Historische Dokumente und Autographen
Fizes de Sauve, Simon - Secrétaire d’État et chargé de la Maison du Roi. Il connaissait Nostradamus
Document manuscrit au nom du Roi, signé par le secrétaire d'État [Simon] Fizes de Sauve et contresigné par le secrétaire du Maréchal de Cossé, de Blois le 7 mars 1577. 1 p. in folio oblong sur parchemin. Commission de capitaine d'une compagnie de 50 hommes d'armes délivrée à Robert de la Vieuville.
Photo en haute à droite: Château de Blois.
Transcription:
[Sur la marge gauche :] Commission pour lever trente hommes d’armes soubz le tiltre de cinquante.
« Henry par la grace de Dieu roy de France et de Polongne a tous ceulx qui ces p(rese)ntes l(ett)res verront salut. Comme po(ur) obvier a l’execu(ti)on des desseings et entreprinses d’aucuns noz subiectz qui se sont fraischement eslevez et mis en armes avec grandes trouppes et assemblees en aucunes provinces de n(ost)re royaulme nous ayons advisé et resolu entre autres forces d’accroistre et augmenter n(ost)re gendarmerie de quelques compagnies nouvelles de trente hommes d’armes de noz ordonnan(ces) de chacune desquelles estant besoing donner la charge a quelques bons vaillans et experimentez personnaiges au faict des armes a nous seurs et feables qui soient po(ur) les conduire et exploistre po(ur) n(ost)re service scavoir faisons que po(ur) la bonne et entiere confiance que nous avons de la personne de n(ost)re amé et feal le S(ieu)r de la Vieuville capp(itai)ne et gouverneur de n(ost)re ville de Maizieres et de ses sens suffisance vaillance dexterité experience au faict des armes fidelité bonne conduitte et diligence et en considera(ti)on aussi des bons vertueulx et recommandables services qu’il nous a par cy-devant faictz au faict des guerres et autres louables manieres a icelluy pour ces causes et autres a ce nous mouvans estans bien advertiz du bon moien et credit qu’il a de faire et dresser promptement une bonne et belle compagnie de gendarmes po(ur) l’emploier et exploicter en n(ost)red(it) service avons baillé et baillons par ces p(rese)ntes la charge et conduite d’une compagnie de trente hommes d’armes soubz le tiltre de cinquante faisans le nombre de trente lances fournies de noz ordonnances pour icelle lever et mettre sus par luy le plus promptement que faire se pourra des plus vaillans hommes mieulx aguerriz montez armez et equipez qu’il luy sera possible de choisir et assembler la conduire et exploictre po(ur) n(ost)red(it) service et ladicte charge et conduitte avoir tenir et exercer par luy aux honneurs auctoritez prerogatives preheminances franchises libertez gaiges droictz estatz et entretenemens prouffictz revenuz et esmolumens qui y appartiennent telz et semblables que les ont et preignent les autres capp(itai)nes ayans de nous semblable charge de trente hommes d’armes de nosd(ites) ordonnan(ces). Si donnons en mandement par ces mesmes p(rese)ntes au premier de noz tres chers et amez cousins les Mareschaulx de France que dud(it) S(ieur) de la Vieuville prins et receu le serment en tel cas requis et acoustumé icelluy mette et institue en possession de lad(ite) charge et cappitainerie et d’icelle le face joyr et user plainement et paisiblem(ent) ensemble des honneurs auct(orit)ez prerogatives preeminan(ces) franchises libertez gaiges droictz estatz et entretenemens prouffictz revenuz et esmolumens dessusd(its) et a luy obeyr et entendre par les hommes d’armes et archers de sad(ite) compagnie et par tous ceulx et ainsi qu’il appartiendra es choses touchans et concernans lad(ite) cappitainerye. Mandons en oultre a noz amez et feaulx conseillers les tresoriers ordin(air)es de noz guerres p(rese)ns et advenir que des deniers qui leur seront ordonnez et assignez po(ur) le paiement de n(ost)re gendarmerie ilz facent par celuy qui sera pourveu ou commis au paiement de lad(ite) compagnie payer bailler et delivrer a icell(uy) S(ieur) de la Vieuville lesd(its) gaiges estatz et droictz appartenans a lad(ite) charge et cappitainerie doresnavant par ch(ac)un an aux termes et en la manière acoustumez. Et par rapportant le vidimus de cesd(ites) p(rese)ntes po(ur) une fois et quictan(ce) dud(it) capp(itai)ne sur ce suffisante seullement nous voulons iceulx gaiges et droictz et tout ce que paié baillé et delivré aura esté a la cause dessusd(ite) estre passé et alloué en la despence des comptes et rabatu de la recepte de celuy desd(its) tresoriers qui paiez les aura par noz amez et feaulx les gens de noz comptes a Paris ausquelz nous mandons ainsi le faire sans difficulté. Car tel est n(ost)re plaisir. En tesmoing de quoy nous avons faict mettre n(ost)re scel a cesd(ites) p(rese)ntes. Donne a Bloys le viie jo(ur) de mars l’an de grace mil cinq cens soixante dix-sept et de n(ost)re regne le troisiesme.
Par le Roy
Fizes »
Aujourd’huy a Bloys le douziesme j(ou)r de mars m(il) v c(ent) soixante-dix-sept le seigne(ur) de la Vieville a faict et preste le serment entre les mains de Monseigneur le Mar(é)chal de Cosse conte de S(e)co(n)digny de l’estat et charge de cappitaine de cinq(uan)te hommes d’armes dont il a pleu au Roy le pourveoir selon et ainsy qu’il est specifié et decl(ar)é par lesd(ites) l(ett)res. Moy secretaire de mondict seigneur le mar(é)chal p(rése)nt
Laurens
Enreg(ist)ré au registre et contreroolle g(é)n(ér)al des guerres par moy soubzsigne conseiler du Roy secret(air)e et contreroolleur g(é)n(ér)al dicelles. Bloys le xiiie jour de mars l’an mil v c(ent) soix(an)te et dix-sept.
Simon FIZES, baron de Sauve, est un ministre français, secrétaire d'État, décédé le 27 novembre 1579. En 1569, Simon de Sauve épouse Charlotte de Beaune de Semblançay et de la Carte, vicomtesse de Tours (v. 1551-1617), fille de Jacques de Beaune, chevalier de l’ordre du roi, gentilhomme ordinaire de la chambre et chambellan du duc d’Anjou. Les chroniqueurs du temps s’accordent pour écrire que Simon Fizes bénéficiait de l’entière confiance de Catherine de Médicis et du roi. Ce qui prouve sa perspicacité et son doigté dans une cour agitée par de multiples rivalités, des coups fourrés et subissant la personnalité complexe et autoritaire de Catherine de Médicis. Malgré les embûches d’une cour agitée par les rivalités et les complots, Simon Fizes devint l’un des personnages les plus influents de l’État. À sa mort, il fut enterré dans la chapelle Saint-Martin, proche du grand autel, dans l’église du couvent des Célestins. Sur la pierre en marbre noir était gravé en lettres d’or : « Ci gist Mefsire Simon de Fizes baron de Sauve, Conseiller du Roy en fon Confeil d’Eftat, & premier Secretaire de fes Commandemens, lequel deceda la 27, jour de Novembre l’an 1579 » (sic).
Il avait connu Nostradamus, qui lui adressa des lettres et qu’il rencontra vraisemblablement lors du séjour à la cour de France que celui-ci fit durant l’été 1555, sur l’invitation de Catherine de Médicis. L’un des épisodes les plus controversés de la vie de Simon Fizes se rapporte à l’épisode du massacre de la Saint-Barthélemy, le 24 août 1572, véritable carnage qui se solda par 3 000 victimes à Paris et plusieurs dizaines de milliers dans l’ensemble de la France.
Les archives ont conservé une déclaration du roi du 28 août 1572, alors que la Saint-Barthélemy se répète en province, enjoignant « à tous gentils-hommes et autres de la religion prétendue réformée, de ne pas faire assemblées ne presches pour quelque occasion que ce soit ». Cette lettre signée Charles IX est contresignée par Fizes. Il paraît vraisemblable que Simon Fizes ait été étroitement associé aux directives données par Charles IX. Il aurait assuré la rédaction des dépêches secrètes adressées aux pouvoirs civils et militaires tant à Paris qu’en province.
Lien Wikipédia: Simon Fizes de Sauve
Lien Wikipédia: Robert de La Vieuville
Taille et type du document: 50x37 cm, velin.