Historische Dokumente und Autographen
Henry III - Roi de France et de Pologne (sous le nom d’Henryk Walezy)
Portrait du Roy Henry III de France, musée de château de Versailles. Fait par l'atelier Etienne Dumonstier.
Pièce signée autographe par Roi Henry III et contresignée par Claude Pinart, baron de Cremailles et de Malines, secrétaire d'État des Affaires étrangères. Poitiers, 13 juillet 1577. Mandement du roi Henri III aux gens tenants le cour de parlement de Dijon, qu’ils doivent accorder au marquis de Mirebeau et ses descendants le droit de l’entrée et séance en leur court de parlement, pour y avoir voix et opinion délibérative en ordre premier après les présidents.
Transcription:
« Henry par la grace de Dieu Roy de France et de Polongne. A noz ames et feaulx les gens tenans n(ost)re court de parlement de Dijon salut et dellection. Nous avons faict venir en n(ost)re conseil privé larrest par vous donné le quatorzieme du mois de may dernier par lequel sans avoir esgard a noz l(ett)res patentes du unzieme jo(ur) de septembre precéddant auriez ordonne, que ung autre v(ost)re arrest du vingt et unieme de may mil vc soixante seize tiendroit et par ce moyen auriez deboutté n(ost)re ame et feal Francoys Chabot marquis de Mirebeau ch(eva)l(i)er de n(ost)re ordre conseiller en n(ost)re prive conseil et ses successeurs descenduz de luy en loyal mariage portans le nom tiltre et qualité dud(it) marquis de Mirebeau de lentree et sceance en n(ost)red(it)e court, po(ur) y avoir voix et oppinion deliberative en ordre premier apres les presidens, comme aussi les bailly et officiers dud(it) marquisat de la congnoissance de toutes causes et matieres possessoires presancee (?) combien q(ue) n(ost)re propre mouvement et pour bonnes et justes considera(ti)ons dont nous avons resceue a nous la congnoissance lescheu auctoritez preeminences eussent este accordees aud(it) marquis de Mirebeau par nosd(its) l(ett)res patentes du unzieme septemb(re) dernier et autres precedantes, desquelles ensemble desd(it)z arrestz les extraicts ou coppies sont cy attachees soubz le contrescel de n(ost)re chancellerye. Et que vous auriez faict contre noz vouloir et inten(ti)on assez clairement exprimé par nosd(ites) l(ett)res lesquelles voulans sortir leur plain et entier effect et desirant en cest endroict subvenir aud(i)t marquis de Mirebeau et le faire joyr ensemble ses successeurs portans led(it) nom et tiltre de marquis descendans de loyal mariage, de noz graces octroy et preeminences a ceulx concedees par nosd(its) l(ett)res patentes. A ces causes de n(ost)re propre mouvement, certaine science, grace et spec(i)al(e) plaine puissance et auct(orit)e royal vous mandons commandons et tres expressem(ent) enjoignons que sans attendre autre comandement ne jussion de nous q(ue) ces(dites) p(rese)ntes signees de n(ost)re propre main qui serviront dexpres dernier et final commandement ne (?) prandre par vous congnoissance des causes et raisons qui nous ont mise octroyee nosd(it)es l(ett)res et nonobstant toutes remonstrances q(ue) vous noz advocatz et procure(urs) generaulx ou aultres voudriez en pourriez f(air)e lesquelles nous tenons po(ur) veues et entendues vous procederez incontinent et sans delay a la publica(ti)on, enthiermenient (?) registrement de nosd(ites) l(ett)res du unzieme jour de septembre dernier et aultres precedentes sans plus y user d’aucune restrinction modifica(ti)on reffus ny dificulte. Car tel est n(ost)re plaisir nonobstant vosd(it)s arrestz du xxime may mvc lxxvi et xiiiime may dernier passe et les causes et raisons motifs diceulx q(ue) ne voulons aucunem(ent) empescher lexecu(ti)on dicelles nosd(ites) l(ett)es du xie septembre aussi dernier et aultres precedantes nonobstant aussi oppo(siti)ons ou appella(ti)ons q(ue)lconques po(ur) lesquelles ne voulons estre differé et q(ue)lconques loix ordonnances et coustumes a ce cont(rai)res. Ausquelles et aux derroga(toi)res des derroga(toi)res dicelles de noz puissance et auct(orit)e q(ue) dessus nous avons derrogé et derrogeons par cesd(it)es p(rese)ntes ne voulans neaumoins n(ost)re p(rese)nte grace cy apres par aultres estre tillee en consequence ny q(ue) dicell(es) lon puisse aucunement sen prevaloir layant octroyee aud(it) S(ieu)r deposant po(ur) plusieurs grands et recommendables services a nous faictz et a n(ost)re couronne tant par icell(uy) et q(ue) ses predecesseurs. Donne a Poictiers le xiiime jour de juillet lan de grace mil cinq cens soixante dixsept et de n(ost)re reigne le quatrieme.
Henry
Par le Roy
Pinart »
HENRY III, roi de France et de Pologne (sous le nom d'Henryk Walezy), duc d'Angoulème, duc d'Anjou, duc de Bourbon, comte d'Auvergne (19 septembre 1551 - 2 août 1589 après avoir été poignardé par le moine Jacques Clément).
Lien Wikipédia: Henri III de France
Lien Wikipédia: Claude Pinart
Taille et type du document: 35x53 cm, parchemin.